யோகி ராம்சுரத்குமார் என்னை வந்து ஆளுவாய்
எழுத்துச் சித்தர் பாலகுமாரன்
உடன் பாடியவர், அவரது மகள், செல்வி ஸ்ரீகௌரி
யோகி ராம்சுரத்குமார் அவர்களின் தரிசனத்திற்கு வந்த போது பதிவு செய்யப்பட்டது
Composed by Tamil Writer, Sri. Balakumaran
Sung by him accompanied by his daughter, Selvi. Srigowri
during a visit to Yogi Ramsuratkumar Ashram to have the darshan of Bhagavan Yogi Ramsuratkumar, Godchild, Tiruvannamalai
http://www.writerbalakumaran.com/wp-content/uploads/2017/11/yogithunai.pdf
எங்கு நானிருப்பினும்
செய்வதேது ஆயினும்
ஏகனாயிருப்பினும்
கூட்டமோடு ஆடினும்
பொங்கு கோபமாயினும்
பூஞ்சிரிப்பு ஆயினும்
யோகி ராம்சுரத்குமார்
என்னை வந்து ஆளுவாய்
நல்லனாய் இருப்பினும்
அல்லவேறு ஆயினும்
கள்ள ஞானப் பொய்மையோடு
காதல் பேச்சு பேசினும்
பள்ளம் பாயும் நீரைபோல
காமவேகம் ஆயினும்
யோகி ராம்சுரத்குமார்
என்னை வந்து ஆளுவாய்
கடந்து போன பாதையில்
நடந்து போன வேதனை
கிடங்கு போல பூட்டியே
அடங்கி வாதை செய்யுமே
தடங்கள் யாவும் மாற்றி வைத்து
தம்மை மேலும் ஏற்றியே
யோகி ராம்சுரத்குமார்
என்னை வந்து ஆளுவாய்
வாடி நின்ற பூமிபோல்
வானம் பார்த்த ஏரிபோல்
பாடிப்பாடித் தன் இணை
தேடுகின்ற பேடைபோல்
தேடித்தேடி என்னுள்ளே
உந்தன் நாமம் சொல்கிறேன்
யோகி ராம்சுரத்குமார்
என்னை வந்து ஆளுவாய்
வாழ்க்கை இங்கு வேதனை
வாய்மையாவும் சோதனை
தாழ்வுறாத வண்ணம் வந்து
எந்தன் நெஞ்சில் தங்குவாய்
சூழ்ந்து வந்த ஊழ்வினை
சுற்றி நின்று தாக்கையில்
யோகி ராம்சுரத்குமார்
என்னை வந்து ஆளுவாய்
என்னுள் வந்து தங்கி நீ
இரும்பில் செய்த வாளதாய்
வெண்ணெய் பூசித் தோகையோடு
வீசுகின்ற கருவியாய்
நாணுகின்ற செயல்கள்யாவும்
நான் துணிந்து நிற்கவே
யோகி ராம்சுரத்குமார்
என்னை வந்து ஆளுவாய்
சுற்றி நின்ற உறவுகள்
சோம்பலின்றி வாழவும்
பற்றி நின்ற நட்புகள்
பண்பு கூட்டி பேசவும்
கற்றறிந்த சபையிலே
எந்தன் வாக்கு வெல்லவும்
யோகி ராம்சுரத்குமார்
என்னை வந்து ஆளுவாய்
பச்சை நெல்லு வயலிலே
வெள்ளை கொக்கு காட்சியாய்
இச்சை கொண்ட என்னுள்ளே
உந்தன் ரூபம் ஜோதியாய்
அச்சு வெல்லக்கட்டியாக
ஆனையாக தோன்றுவாய்
யோகி ராம்சுரத்குமார்
என்னை வந்து ஆளுவாய்
செம்மையாய் சிறப்பினோடு
சேர்ந்து வந்த செல்வமாய்
தன்மையாய் தடங்கலின்றி
தாழ்ந்து வந்த மேகமாய்
உண்மையாய் உணர்ச்சியாய்
உயர்வடைந்த காதலாய்
யோகி ராம்சுரத்குமார்
என்னை வந்து ஆளுவாய்
ஆண்டகை அணைத்த கை
அன்பு அன்பு செய்ததை
தூண்டலைத் துளைத்தலைத்
தோன்றி நின்ற ஜோதியை
விண்ட பாலகுமரனிங்கு
எழுதி வந்த பாட்டிலே
யோகி ராம்சுரத்குமார்
நின்று என்றும் ஆளுவாய்
யோகி ராம்சுரத்குமார் என்னை வந்து ஆளுவாய்
எழுத்துச் சித்தர் பாலகுமாரன்
உடன் பாடியவர், அவரது மகள், செல்வி ஸ்ரீகௌரி
யோகி ராம்சுரத்குமார் அவர்களின் தரிசனத்திற்கு வந்த போது பதிவு செய்யப்பட்ட
இந்த காணொளியை வழங்கிய திரு. N.S. மணி அவர்களுக்கு நன்றி !
Composed by Popular Tamil Writer, Sri. Balakumaran
Sung by him accompanied by his daughter, Selvi. Srigowri
Thanks to Sri. N.S. Mani for sharing this video that was recorded when they had come for the darshan of Bhagavan Yogi Ramsuratkumar
Yogi Ramsuratkumaram Vande 